(مكرونة بالكبدة الاسكندراني)

أكلتنا النهاردة إن شاء الله

مكرونة بالكبدة الاسكندراني

هذه الأكلة تكفي شخصين

إهداء إلى [ندعوك للتسجيل في المنتدى أو التعريف بنفسك لمعاينة هذا الرابط] صاحب هذا الطلب

المقادير

[ندعوك للتسجيل في المنتدى أو التعريف بنفسك لمعاينة هذه الصورة]

كبدة بقري حوالي ربع كيلو ونقطعها بالشكل ده
فيه ناس بتحبها مقطعة كبير وفيه بيحبوها صغيرة زي ماتحبو يعنس

[ندعوك للتسجيل في المنتدى أو التعريف بنفسك لمعاينة هذه الصورة]

بصلتين متوسطتين في الحجم ده

[ندعوك للتسجيل في المنتدى أو التعريف بنفسك لمعاينة هذه الصورة]

واحدة فلفل أخضر

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

200 جرام (يعني نص كيس) مكرونة أي نوع تحبوه

الطريقة

[ندعوك للتسجيل في المنتدى أو التعريف بنفسك لمعاينة هذه الصورة]

الطريقة أبسط ما يكون كل اللي نعمله
نجيب حلة فيها حوالي 8 كبايات ميا
عشان نعمل المكرونة

ونحط عليها معلقتين ملح وتلات معالق كبار زيت

ونسيب الميا تغلي على النار

أول ماتغلي نحط المكرونة ونسيبها 18 دقيقة لو كبيرة
و12 لو صغيرة

طبعا عايزة أقول ان فيه شباب بيعملوا حاجة غريبة في المكرونة
وتبوظ منهم في الآخر

فيه بعض الشباب فاكرين المكرونة بتتغسل زي الرز
لاااااااا
المكرونة بتتحط في الميا علطول من غير غسيل
لأن طبعا لو اتغسلت هتعجن في الآخر ومش هتبقى مكرونة

المهم أول ماتحطو المكرونة في النار لازم تقلبوها لأن لو اتسابت بتلزق في بعض
والنار تكون عالية

خلاص بعد ما تتسلق وندوقها نلاقيها مستوى كويس
وناخد بالنا ماتبقاش مستوية على الآخر لازم تكون بتتمضح مش طرية أوي

المهم أول ماتخلص نثفيها في المصفا ونفتح عليها الميا بس كده نشطفها بسيط عشان النشا وخلاص
(فيه ناس بتحبها بالنشا عشان الصلصة تلزق عليها)

ونسيب المكرونة ونبدا نعمل الصلصة

الصلصة أنا عملتها بالتوم عشان الكبدة بالبصل
لو هتعملوا الكبدة بالتوم بدل البصل ممكن تعكسو عشان يبقى فيه اختلاف

المهم الصلصة نفس طريقة الصلصة اللي موجودة في الحلقة التانية
حلقة الكشري المصري تابعوها

بس المرة دي أنا عملتها بمعجون صلصة بدل عصير طماطم عشان تبقى أسهل عليكو

تابعو طريقة صلصة الكشري وبدل الطماطم نحط كوباية ونص ميا مع معلقتين صلصة أد دي

[ندعوك للتسجيل في المنتدى أو التعريف بنفسك لمعاينة هذه الصورة]

ونكمل بنفس الطريقة

نيجي للكبدة

نحط الكبدة في حلة وفوقها الفلفل والبصل ومعلقتين (شاي) ملح ومعلقة شاي فلفل اسود
مش تحطو شاي هي أصغر معلقة اسمها معلقة شاي
وتزودوا ميا بسيط مش تملوها
يعني زي كده

[ندعوك للتسجيل في المنتدى أو التعريف بنفسك لمعاينة هذه الصورة]

ونخلي النار عالية وكل ما الميا تنشف نقلبها
ونزود ميا تاني زيهم وهكذا
بس اوعو تتحرق منكو لازم تكونو جنبها
الكبدو حسب حجمها ممكن تاخد من نص ساعة لساعة إلا ربع

كده خلصنا الصلصة والمكرونة والكبدة
تمام؟

في الآخر نقلي شوية بطاطس عادية او فارم فريتس وناكلهم سوا

أحلى طبق مكرونة بالكبدة الاسكندراني
وبالهنا والشفا مقدما [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

عشان ماحدش يسأل انا جبت طماطماية قطعت من نصها شريحة وفضيت اللي جواها بالسكينة
وحطيتها على منديل ورق عشان الميا بتاعتها تنشف
وحطيت البطاطس جوة الحلقة كده